Wo kia taghayiuraat kay sanchay main dhal gaye
Hum bhi kuch aur ho gaye, hum bhi badal gaye
Kis anjuman main daad talab hon woh kam naseeb
Jo shaam naarsi ke andheron main jal gaye
Hai yaad e rahe ishq inhi qafilon ki yaad
Jo zindagi ki dorr main aage nikal gaye
Aye jane naghmi! inhe ab yaad bhi na kar
woh raag aag ho gaye, woh hont jal gaye
Lafze wafa se ab woh ta'asur na kar qabool
Is aam fiham lafz ke ma'ani badal gaye
Poet: Jaun Elia
No comments:
Post a Comment