Yeh kia kh sab se bayan dil ki halatain karni...
Faraz tujh ko na aain Muhabbatain karni
Yeh qurb kia hai kh tu samne hai aur hame
Shumar abhi se judai ki sa'atain karni
Koi Khuda ho kh pathr kh jise hum bhi chahain
Tamam umar issi ki ibadatain karni
Sab apne apne qareene se muntizar os ke
Kisi ko shukr kisi ko shikayatain karni
Hum apne dil se hain majboor aur logon ko
Zara see baat pe barpa qayamatain karni
Milain jab un se to mubham si guftagu karna
Phir apne aap se so so wazahatain karni
Yeh log kese magar dushmani nibahte hain
Hamain to raas na aain Muhabbatain karni
Kabhi Faraz naye mosamon main ro dena
Kabhi talash purani raqabatain karni....
Poet: Ahmed Faraz
Read in Urdu font: http://www.urdupoint.com/poetry/poem/ahmed-faraz/yeh-kiya-k-sab-se-bayaan-dil-ki-halatain-karni-6158.html
No comments:
Post a Comment