Tu Ager Badguman Ho Jaye ...

Tu ager badguman ho jaye
Yeh zameen asman ho jaye

Os ki yadon ke saye main rahye
Zindagi asan ho jaye


Daikh le ager woh muhabbat se
Dhoop hi saiban ho jaye

Aik nazar os ko daikh le zahid
Tum ko hasil iman ho jaye

Daikh lo be-hijabian os ki
Shaikh ji imtihan ho jaye

Daikh kar os ke naze mehboobi
Shaikh phir se jawan ho jaye

Shayeron ki haseen mehfil main
Dosto kuch bayan ho jaye

Yehi dunya behshat he piyare
Tu ager meharban ho jaye

Mushkilain phir se aane wali hain
Har kali sakht jan ho jaye

Teri kashti ko kon roje ga
Azm gar badnan ho jaye

Dhoond marne ki koi aesi sabeel
Zindagi javeedan ho jaye

Zakhm koi taza laga jana
Zindagi meri gulistan ho jaye

Teer ho jaye na khata un ka
Ab ke dil datmian ho jaye

Zindagi to azab main guzri
Kash marna asan ho jaye

Teer ban kr kue na nikle rooh?
Jab kamar kaman ho jaye