Yu to kehne ko bohat log shanasa mere
Kaha le jau tujhe aye dil e tanha mere
Wohi mehdood sa halqa hai shanasai ka
Yehi ahbab mere hain yehi a'ada mere
Me tahi kasa o lab tashna rahu ga kab tak
Tere hote huwe aye sahib-e-darya mere
Mujh ko is abr e bahari se hai kab ki nisbat
Per muqadar me wohi piyas ke sehra mere
Deedah o dil to tere saath hain aye jan e faraz
Apne hamrah magar khwab na le ja mere
Poet: Ahmed Faraz
No comments:
Post a Comment