Yu hoslah dil ne hara kab tha
Sartan mera sitara kab tha
Lazim tha guzarna zindagi se
Bin zehar piye guzara kab tha
Kuch pal use aur daikh sakte
Ashkon ko magar gawarah kab tha
Hum khud bhi judai ka sabab thee
Us ka hi qasoor sara kab tha
Ab aur ke sath hai to kia dukh
Pehle bhi koi hamara kab tha
Ik naam pe zakham khul uthe the
Qatil ki taraf ishara kab tha
Aaye ho to roshni huwi hai
Is baam main koi tara kab tha
Daikha huwa ghar tha par kisi ne
Dulhan ki tarah sanwara kab tha
Poet: Parveen Shakir
No comments:
Post a Comment